واشنگٹن( پاکستان پوائنٹ نیوز31۔جولائی۔2018ء ) امریکا نے پاکستان لئی آئی ایم ایف دے بیل آؤٹ پیکج توں چینی قرضیاں دی ادائیگی دی مخالف کر دتی۔امریکی وزیرخارجا مائیک پوپیو نے آکھیا اے کہ آئی ایم ایف پیکج توں چینی قرضیاں دی ادائیگی دا کوئی جواز نہیں اے، آئی ایم ایف پاکستان نوں بیل آؤٹ پیکج دین توں باز رہے، اودھر ترجمان آئی ایم ایف نے واضح کیتا اے کہ پاکستان ولوں قرض دی کوئی درخاست نہیں ملی، کسے وی متوقع پیکج اُتے پاکستانی حکام نال گل بات نہیں کر رہے پر اک غیر ملکی اخبار نے دعوا کیتا اے پاکستان آئی ایم ایف کولوں 12ارب ڈالر قرض لین بارے غور کر رہیا اے۔
غیر ملکی خبر رساں ادارے مطابق امریکی وزیر خارجا مائیک پوپیو نے آکھیا کہ پاکستان دی نویں حکومت نال رلکے کم کرنا چاہندے آں پر دوجے پاسے امریکا نے آئی ایم ایف دے بیل آؤٹ پیکج توں چینی قرضیاں دی ادائیگی دی مخالف کیتی اے ۔ امریکی وزیر خارجا دا کہنا سی کہ پاکستان لئی آئی ایم ایف پیکج نال چینی قرضیاں دی ادائیگی دا جواز نہیں۔ آئی ایم ایف پاکستان نوں بیل آؤٹ پیکج دین توں باز رہوے۔ دوجے پاسے ترجمان آئی ایم ایف مطابق پاکستان ولوں قرض دی کوئی درخاست نہیں ملی ۔ کسے وی متوقع پیکج اُتے پاکستانی حکام نال گل بات نہیں کر رہے۔ پر اک غیر ملکی اخبار نے دعوا کیتا اے پاکستان آئی ایم ایف کولوں 12ارب ڈالر قرض لین بارے غور کر رہیا اے۔
