اسلام آباد( پاکستان پوائنٹ نیوز31۔جولائی۔2018ء ) سپریم کورٹ آف پاکستان ولوں دیامر بھاشا تے مہمند ڈیماں دی اُساری لئی قائم کیتے گئے فنڈ وچ فنڈ وچ 44کروڑ16لکھ45ہزار رُپئے جمع ہو گئے۔ سٹیٹ بنک آف پاکستان دے آنکڑیاں(اعداد و شمار) مطابق 30جولائی 2018نوں دیامر بھاشا و مہمند ڈیمز دے فنڈ وچ 5کروڑ 94لکھ38ہزار رُپئے توں ودھ دے عطیات جمع ہوئے۔ ایسے طرحاں 27جولائی نوں 36لکھ 66ہزار، 26جولائی نوں 3کروڑ18لکھ50ہزار رُپئے، 24جولائی نوں 2کروڑ 55 لکھ49ہزار رُپئے،23جولائی نوں اک کروڑ 75لکھ 26ہزار رُپئے،19جولائی نوں 3کروڑ32لکھ63ہزار رُپئے،18جولائی نوں 4کروڑ96ہزار، 17جولائی نوں 6کروڑ4لکھ،16جولائی نوں 3کروڑ42لکھ95ہزاررُپئے،13جولائی نوں 2کر وڑ 61لکھ43ہزار رُپئے،12جولائی نوں 3کروڑ2لکھ 4ہزار رُپئے،11جولائی نوں 2کروڑ68لکھ65ہزار رُپئے،10جولائی نوں 53لکھ74ہزار، 8جولائی نوں 13لکھ46ہزار رُپئے تے 6جولائی نوں 12لکھ 1ہزار رُپئے توں ودھ پیسے جمع ہوئے۔
چیتے رہوے کہ سٹیٹ بنک آف پاکستان نے سپریم کورٹ دے حکم اُتے دیامر بھاشا و مہمند ڈیمز لئی فنڈ قائم کیتا اے، جیہدا مقصد دوویں ڈیماں دی اُساری لئی پیسے جمع کرنا اے۔ فنڈ دی نگرانی آپ سپریم کورٹ کر رہی اے تے ایہد اکاؤنٹ رجسٹرار سپریم کورٹ چلا رہیا اے۔
