ملتان( پاکستان پوائنٹ نیوز30۔جولائی۔2018ء ) پاکستان مسلم لیگ (ن) دے مرکزی رہنما مخدوم جاوید ہاشمی نے آکھیا اے کہ ساریاں سیاسی جماعتاں رلکے عمران خان نوں بچان،عمران خان نوں نہ بچایا گیا تے جمہوریت نوں خطرہ ہوئے گا، عمران خان مہرے دے طور اُتے کم کر رہے، عمران خان نوں کمزور مینڈیٹ ملیا، کیویں مسئلے حل کرن گے۔اوہناں نے اج میڈیا نال گل بات کردے ہوئے آکھیا کہ عمران خان کول اختیارات والی حکومت نہیں ہوئے گی۔
عمران خان نوں الیکشن وچ کمزور مینڈیٹ ملیا اے۔ جاوید ہاشمی نے آکھیا کہ کمزور حکومت کیویں لوکائی دے مسئلے حل کرے گی۔ تحریک انصاف دی حکومت دا ممکنہ فنانس منسٹر آکھدا اے کہ آئی ایم ایف کولوں امداد منگاں گے۔ اوہناں نے ساریاں سیاسی جماعتاں توں منگ کیتی کہ سیاسی جماعتاں عمران خان نوں بچان جے عمران خان نوں نہ بچایا گیا تے جمہوریت نوں خطرہ ہوئے گا۔ اوہناں نے آکھیا کہ عمران خان تے بطور مہرہ کم کر رہے نیں۔ اوہناں نے آکھیا کہ عمران خان نے فیر گنتی تے دھاندلی دی پُن چھان لئی حلقے کھولن دی گل کیتی پر اوہناں نے اپنا حلقہ نہیں کھلوایا۔
