مظفر گڑھ( پاکستان پوائنٹ نیوز28۔جولائی۔2018ء ) پنجاب اسمبلی دی سیٹ پی پی 270وچ ووٹاں دی دوبارہ گنتی مگروں وی عوامی راج پارٹی دا امیدوار ہار گیا ، آزاد امیدوار عبدالحئی کامیاب۔ تفصیل مطابق عام انتخابات دے نتیجے وچ مظفر گڑھ توں پنجاب اسمبلی دی سیٹ پی پی 270توں جمشید دستی دی عوامی راج پارٹی دے امیدوار اجل چانڈیو نوں کامیاب قرار دتا گیا سی۔ حلقے توں ہارن والے آزاد امیدوار عبدالحئی نے ووٹاں دی دوبارہ گنتی دی درخاست دتی سی، جیہدے وچ اوہناں نوں کامیاب قرار دتا گیا اے۔
ووٹاں دی دوبارہ گنتی وچ آزاد امیدوار عبدالحئی دستی 17وٹاں توں کامیاب ہوئے تے اوہناں دے 17ہزار 717ووٹ نکلے جدکہ اجمل چانڈیو دے 17ہزار 700ووٹ نکلے۔ ریٹرننگ افسر نے دوبارہ گنتی مگروں آزاد امیدوار عبدالحئی دی کامیابی دا نوٹی فکیشن جاری کر دتا اے۔دوجے پاسے عوامی راج پارٹی دے اجمل چانڈیو نے دھاندلی دا الزام لاؤندے ہوئے آکھیا کہ گنتی وچ ساڈا نمائندہ شامل نہیں سی ایس لئی دھاندلی خلاف قانونی کارروائی کراں گے۔
