اسلام آباد( پاکستان پوائنٹ نیوز27۔جولائی۔2018ء ) پاکستان تحریک انصاف دے رہنما اسد عمر نے آکھیا اے کہ پاکستان تحریک انصاف نوں معیشت دے استحکام لئی پہلے 100دناں وچ مشکل فیصلے کرنے پین گے۔ ٹی وی انٹرویو دوران اسد عمر نے معاشی پالیسی دے نکات پیش کردے ہوئے آکھیا کہ پی ٹی آئی دی حکومت مینوفیکچرنگ تے انٹرپرائزز دی ترقی لئی اقدامات کرے گی۔اوہناں نے آکھیا کہ پرائیویٹ سیکٹر نوں 50لکھ گھر بنان لئی سہولت دیواں گے۔
سیاحت نوں ودھوتری( فروغ) دیواں گے، ٹیکس ایڈمنسٹریشن اصلاحات، انرجی چیلنج نال نبڑنا، چائنہ پاکستان اکنامک کوریڈور نوں گیم چینجز بنانا، درآمدات تے برآمدات دا درمیانی فیصلا گھٹ کرنا شامل اے۔ اسد عمر نے آکھیا کہ جدوں لوکاں نوں حکومت اُتے اعتماد ہوئے گا اوہ آپ ٹیکس دیوے گی۔اسد عمر دا کہنا سی کہ تعلیم ، صحت تے سوشل سروسز وی تحریک انصاف دے 100دناں دے چیلنج وچ شامل اے۔
