کراچی( پاکستان پوائنٹ نیوز26۔جولائی۔2018ء ) عام انتخابات 2018وچ تحریک لبیک نے سیاسی پنڈتاں نوں وڈا سرپرائز دے دتا، علامہ خادم حسین رضوی دی جماعت اُنج تے بُہتیاں سیٹاں لین وچ ناکام رہی پر کئی اہم سیٹاں اُتے وڈیاں وڈیاں جماعتاں نوں پچھے چھڈدے ہوئے دوجے نمبر اُتے۔ تفصیل مطابق پچھلے دیہاڑے ہون والے پاکستان دے 10ویں الیکشن دے غیر سرکاری غیر حتمی نتیجے آن دا سلسلا جاری اے۔
ہن تیکر ملن والیاں اطلاعواں مطابق تحریک انصاف آسانی نال وفاقی حکومت بنان دی پوزیشن وچ آ گئی اے۔ تازہ اطلاع مطابق تحریک لبیک ولوں ملک بھر دے قومی و صوبائی اسمبلیاں دے حلقیاں اُتے اپنے امیدواراں نوں کھلاریا گیا سی۔ تحریک لبیک قومی تے صوبائی اسمبلی وچ وڈی گنتی اندر سیٹاں لین وچ کامیاب نہ ہو سکی۔ پر کئی سیٹاں اُتے تحریک لبیک دے امیدواراں نے تگڑے سیاسی رہنماواں نوں پچھے چھڈ دتا اے۔
خاص کر تحریک لبیک نے کراچی دے حلقہ این اے 246اُتے وڈا اپ سیٹ کیتا اے۔ پیپلز پارٹی دے مضبوط گڑھ لیاری وچ بلاول بھٹو نوں نہ صرف ہار دا ساہمنا کرنا پیا اے بلکہ اوہ دوجے نمبر دی بجائے تیجے نمبر اُتے رہے۔ جدکہ تحریک لبیک دے رہنما احمد 42ہزار 345ووٹ لے کے دوجے نمبر اُتے اے۔ بلاول بھٹو ایس سیٹ توں صرف 39325ووٹ لے سکے۔
