راولپنڈی( پاکستان پوائنٹ نیوز25۔جولائی۔2018ء ) راولپنڈی توں مسلم لیگ (ن) دا صفایا ہون لگا۔ پاکستان تحریک انصاف دے کلین سویپ دی آس پیدا ہو گئی۔ تفصیل مطابق اج پاکستانی تواریخ دا سبھ توں مہنگا ترین الیکشن ہویا۔ الیکشن کمیشن ولوں جاری آنکڑیاں مطابق عام انتخابات وچ 840قومی و صوبائی حلقیاں اُتے 11ہزار 673امیدواراں نے حصہ لیا، قومی اسمبلی دے 270 حلقیاں اُتے 3ہزار 428امیدوار میدان وچ لتھے سن جدکہ صوبائی اسمبلیاں دیاں 570سیٹاں اُتے 8ہزار 245امیدواراں وچ مقابلا ہویا۔
قومی اسمبلی دے 270 حلقیاں وچ اک ہزار 623آزاد امیدوار حصہ لے رہے سن۔ صوبائی اسمبلیاں دے حلقیاں اُتے 8245امیدواراں وچوں تن ہزار 856سیاسی جماعتاں دے امیدوار سن۔ خیبرپختونخوا اسمبلی لئی 1145امیدوار میدان وچ سن جدکہ خیبرپختونخوا توں قومی اسمبلی دے حلقیاں اُتے 721امیدوار حصہ لے رہے سن۔ سندھ اسمبلی لئی دو ہزار 179امیدوار میدان وچ سن جدکہ سندھ توں قومی اسمبلی دے حلقیاں لئی 814امیدوار میدان و چ سن۔
پنجاب وچ قومی اسمبلی دے حلقیاں لئی 1534امیدوار میدان وچ سن تے پنجاب اسمبلی لئی 3ہزار 975امیدوار حصہ لے رہے سن۔ بلوچستان وچ قومی اسمبلی دے حلقیاں اُتے 290امیدوار میدان وچ سن۔ ایس طرحاں بلوچستان اسمبلی دے حلقیاں اُتے 946امیدوار میدان وچ سن۔ اسلام آباد دے قومی اسمبلی دے 3حلقیاں اُتے کل 59امیدوار سن۔تازہ اطلاع مطابق راولپنڈی توں مسلم لیگ (ن) دا صفایا ہون لگا۔
پاکستان تحریک انصاف دے کلین سویپ دی آس پیدا ہو گئی۔این اے 57، جو مری دا حلقہ اے ایتھوں (ن) لیگ دے شاہد خاقان عباسی تے تحریک انصاف دے صداقت علی عباسی دا مقابلا ہو رہیا اے۔ پر آکھیا جا رہیا اے کہ ایہ حلقہ شاہد خاقان عباسی دا جدی حلقہ اے تے ایتھوں اوہ جت رہے نیں۔ این اے 59توں چودھری نثار تے لیگی امیدوار راجا قمر الاسلام وچکار سخت مقابلا ہو رہیا اے پر چودھری نثار علی خان اجے تیکر پچھے نیں۔
این اے 63راولپنڈی توں چودھری نثار تے پی ٹی آئی دے سرور خان وچ وی سیاسی مقابلے بازی جاری اے۔ این اے 62وچ شیخ رشید دے جتن دی آس اے ایس توں وکھ این اے 60وچ الیکشن ملتوی ہو گیااے۔ این اے 58وچ سابق وزیر اعظم راجا پرویز اشرف دی (ن) لیگ دے راجا جاوید نال چنگے مقابلے دی آس اے جدکہ تحریک انصاف دے محمد عظیم دوویں جماعتاں نوں ٹف ٹائم دے سکدے نیں۔
