غلام احمد بلور بغیر شناختی کارڈ ووٹ دین اپڑ گئے

پشاور( پاکستان پوائنٹ نیوز25۔جولائی۔2018ء ) مشہور سیاسی رہنما بغیر شناختی کارڈ دے ووٹ دین لئی اپڑے۔ تفصیل مطابق اے این پی دے امیدوار غلام احمد بلور بغیر شناختی کارڈ دے پولنگ سٹیشن اپڑے، شناختی کارڈ نہ ہون دی وجہ توں غلام احمد بلور نوں ووٹ پان توں روک دتا گیا، جیہدے اُتے غلام احمد بلور نے آکھیا کہ مینوں پچھاندے نہیں میں انتخابی امیدوار آں۔ میرے کول شناختی کارڈ نہیں اے۔ شناختی کارڈ نہ ہون دی وجہ توں غلام احمد بلور ووٹ کاسٹ نہیں کر سکے۔ایس توں وکھ اج آرمی چیف جنرل قمر جاوید باجوہ تے اوہناں دی بیوی نے راولپنڈی وچ اپنا ووٹ کاسٹ کیتا۔چیف جسٹس آف پاکستان میاں ثاقب نثار نے وی اپنا ووٹ کاسٹ کیتا۔