راولپنڈی( پاکستان پوائنٹ نیوز25۔جولائی۔2018ء ) آرمی چیف جنرل قمر جاوید باجوہ تے اوہناں دی بیوی نے راولپنڈی وچ اپنا ووٹ کاسٹ کر دتا۔ تفصیل مطابق سیاسی رہنماواں تے چیف جسٹس آف پاکستان میاں ثاقب نثار مگروں آرمی چیف جنرل قمر جاوید باجوہ نے وی ووٹ کاسٹ کر دتا۔ آرمی چیف اپنے گھر والیاں نال پولنگ سٹیشن گئے تے اپنی بیوی نال ووٹ کاسٹ کیتا۔ آئی ایس پی آر مطابق آرمی چیف نے راولپنڈی وچ اپنا ووٹ کاسٹ کیتا۔
اوہناں نے ایف جی قائداعظم سکول چکلالہ وچ ووٹ پایا۔ آرمی چیف نے پی پی 11پولنگ سٹیشن نمبر45وچ ووٹ کاسٹ کیتا۔ ایس موقعے تے آرمی چیف نے قوم دے ناں اہم پیغام دیند ے ہوئے آکھیا کہ باہر نکلو تے ووٹ کاسٹ کرو۔ اسیں پاکستان خلاف کم کرن والیاں دشمن طاقتاں دا نشانہ آں، اسیں اوہناں دشمن طاقتاں نوں ناکام بنان لئی لما پینڈا طے کیتا اے، اسیں دشمن طاقتاں نوں ہران لئی اکٹھے تے مضبوط کھلوتے آں۔
