لاہور( پاکستان پوائنٹ نیوز21۔جولائی۔2018ء ) سینئر پرچا کار حامد میر نے آکھیا اے کہ 25جولائی نوں عمران خان دا مقابلا زمبابوے نال نہیں مسلم لیگ (ن) نال اے، مسلم لیگ (ن) وچ بہت سارے فخر زمان نیں، عابد باکسر دی ویڈیو نال عمران خان نوں سیاسی فائدہ نہیں ہوئے گا، انتخابات نوں جھیڑوا(متنازعہ) بنان دی کوشش کیتی جا رہی اے۔ اوہناں نے آکھیا کہ عابد باکسر نے جو گلاں کیتیاں نیں اوہ پہلے وی سبھ نوں پتا نیں۔
اوہناں نے نجی ٹی وی دے پروگرام وچ گل بات کردے ہوئے آکھیا کہ 25جولائی نوں عمران خان دا مقابلا زمبابوے نال نہیں مسلم لیگ (ن) نال اے۔ مسلم لیگ (ن) وچ بہت سارے فخر زمان نیں۔اوہناں دا کہنا سی کہ عابد باکسر دی ویڈیو نال عمران خان نوں سیاسی فائدہ نہیں ہوئے گا۔اوہناں نے آکھیا کہ مسلم لیگ (ن) تے پی ٹی آئی سادہ اکثریت لیندی نظر نہیں آ رہی۔ جے میں چاہنا واں کہ جے میں چاہنا واں کہ عمران خان وزیراعظم بنن تے فیر عمران خان نوں وزیر اعظم بنان لئی یاں تے عمران خان نوں پیپلز پارٹی ول جانا پئے گا ۔
ایم ایم اے تے اے این پی توں مدد منگنی پئے گی۔ پر اے این پی پیپلز پارٹی تے ایم ایم اے یاں دوجیاں جماعتاں عمران خان نال نہیں جان گیاں۔ اوہناں نے آکھیا کہ عمران خان نوں 80توں وی بُہتیاں سیٹیاں لینیاں پین گیاں۔ جے پی ٹی آئی نوں 80ملدیاں نیں فیروی اوہناں نوں پیپلز پارٹی دی سپورٹ چاہیدی۔ جے پیپلز پارٹی سپورٹ نہیں دیوے گی تے فیر مسلم لیگ (ن) وچ فاروڈ بلاک بنان دی کوشش کیتی جائے گی۔
