کراچی( پاکستان پوائنٹ نیوز21۔جولائی۔2018ء ) پیپلز پارٹی دے چیئرمین بلاول بھٹو زرداری دی بھین و سا بق وزیر اعظم محترمہ بے نظیر بھٹو دی دھی بختاور بھٹو زرداری نے تحریک انصاف دے جلسیاں نوں ناکام قرار دیندے ہوئے آکھیا اے کہ پی ٹی آئی والیاں دا تے حشر نشر ای ہو گیا۔ اپنے اک بیان وچ بختاور بھٹو زرداری نے پی ٹی آئی لئی بے چارے دا لفظ ورتدے ہوئے آکھیا اے کہ ویڈیو نوں تے فوٹو شاپ وی نہیں کیتا جا سکدا۔
اوہناں نے آکھیاکہ جلسیاں دی ناکامی دا جواز برسات نوں بنایا جائے یاں گرمی نوں پر سچ کُجھ ہور ای اے۔ سچ ایہ اے کہ اوہناں دی مقبولیت فیس بک تے اشتہاراں تیکر اے۔ بختاور بھٹو زرداری نے آکھیا کہ جیالیاں نے اپنے چیئرمین لئی نہ بارش دی پروا کیتی تے نہ ای تپدے سورج دی ۔ جیالے گرمی تے بارش وچ وی رات نوں 3وجے تیکر اپنے چیئرمین نوں اُڈیکدے رہے۔
