اسلام آ باد( پاکستان پوائنٹ نیوز21۔جولائی۔2018ء ) محکمہ موسمیات نے بارشاں دی پیشنگوئی کر دتی۔ محکمہ موسمیات مطابق آؤندے 24گھنٹیاں دوران مالاکنڈ، ہزارہ، مردان، کوہاٹ، بنوں، پشاور، راولپنڈی، گوجرانوالا، سرگودھا، فیصل آباد، لاہور، ڈی آئی خان، ساہیوال، ژوب، قلات ڈویژن، اسلام آ باد، فاٹا، کشمیر تے گلگت بلتستان وچ کُجھ تھاواں اُتے تیز ہواواں تے گرج چمک نال بارش دی آس اے جدکہ ملک دے ہور علاقیاں وچ موسم گرم تے خشک رہوے گا۔
رپورٹ مطابق پچھلے 24گھنٹیاں دوران مالاکنڈ، ہزارہ ، پشاور، کوہاٹ، لاہور، راولپنڈی، سرگودھا، فیصل آباد، ملتان، ساہیوال، کوئٹہ، قلات ڈویژن تے کشمیر وچ کُجھ تھاواں اُتے تیز ہواواں تے گرج چمک نال بارش ہوئی پر ملک دے ہور علاقیاں وچ موسم گرم تے خشک رہیا۔ ہفتے دی سویر جڑواں شہر راولپنڈی تے اسلام آباد وچ کیتے تھوڑی تے کیتے بُہتی بارش مگروں موسم سوہنا ہوگیا۔
