اسلام آباد( پاکستان پوائنٹ نیوز21۔جولائی۔2018ء ) امریکا نے کالعدم لشکر طیبہ نال جُڑے امیدواراں بارے پاکستان نوں اپنے تحفظات بارے دس دتا۔ میڈیا رپورٹس مطابق امریکا نے کالعدم لشکر طیبہ نال جُڑے امیدواراں بارے پاکستان نوں اپنے تحفظات بارے دس دتا۔ ایس حوالے نال امریکی سٹیٹ ڈیپارٹمنٹ ولوں جاری مراسلے وچ ایس گل اُتے اطمینان دا اظہار کیتا گیا کہ الیکشن کمیشن آف پاکستان ولوں ملی مسلم لیگ (ایم ایم ایل) دی رجسٹریشن جون وچ منسوخ کیتی گئی ، جیہدے لشکر طیبہ نال مراسم سن تے اوہنوں عالمی پدھر اُتے دہشت گرد تنظیم قرار دتا گیا اے۔
مراسلے وچ آکھیا گیا کہ سٹیٹ ڈیپارٹمنٹ نے باہرلے ملک دہشت گرد تنظیم دی فہرست وچ ایم ایم ایل نوں لشکر طیبہ دے طور اُتے شامل کیتا اے۔ مراسلے وچ آکھیا گیا کہ اسیں پاکستانی حکومت توں لشکر طیبہ سنے ایہدے نال جوڑے انفرادی لوکاں ولوں الیکشن وچ حصہ لین والیاں اُتے خدشیا ں دا اظہار کرنے آں۔ واشنگٹن وچ امریکی سٹیٹ ڈیپارٹمنٹ دے ترجمان نے آکھیا کہ سیاسی امیدواراں تے اوہناں دے کارکناں اُتے حملے بزدلانہ نیں، جو پاکستانی قوم نوں جمہوری حقاں توں دور نہیں رکھ سکن گے۔
