لاہور( پاکستان پوائنٹ نیوز20۔جولائی۔2018ء ) 25جولائی نوں عام انتخابات والے دن ملک بھر وچ بدل ورسن گے۔ محکمہ موسمیات نے خشخبری سُنا دتی۔ میڈیا رپورٹس وچ دسیا گیا اے کہ محکمہ موسمیات نے الیکشن والے دن ملک بھر وچ بارش دی خشخبری سُنا دتی اے۔ جیہدے مگروں الیکشن ٹھنڈا ٹھنڈا ہون دی پیشنگوئی کیتی گئی اے۔ محکمہ موسمیات نے آؤندے دس دناں وچ ملک بھر وچ بارشاں دی وی پیشنگوئی کیتی اے۔
کراچی تے حیدر آباد وچ بارش دی پیشنگوئی کیتی گئی اے۔ لاہور، اسلام آ باد، پشاور، ایبٹ آباد، ساہیوال، سرگودھا، میانوالی، گوجرانوالا تے اٹک سنے ملک دے کئی شہراں وچ بارش دی پیشنگوئی کیتی گئی اے۔ چیتے رہوے کہ ملک بھر وچ 25جولائی الیکشن دا دن اے۔ سیاسی مبصرین ولوں آکھیا جا رہیا سی کہ انتخابات دی تاریخ ڈاڈھی گرمی دے دناں وچ رکھی گئی اے۔ ایس لئی ممکن اے کہ ووٹرز دا ٹرن آؤٹ گھٹ ہوئے تے لوک گرمی دی وجہ توں گھروں باہر نہ نکلن پر ہن محکمہ موسمیات ولوں پاکستانیاں نوں خشخبری سنا دتی گئی اے۔
