اسلام آباد( پاکستان پوائنٹ نیوز20۔جولائی۔2018ء ) نواز شریف تے مریم نواز دی جیل وچ وکھ وکھ رہن دی خبر جھوٹھی نکلی۔ مشہور پرچا کار صابر شاکر دا کہنا اے کہ سابق وزیر اعظم نواز شریف تے مریم نواز جیل وچ اکٹھے روٹی پانی کھاندے، اکٹھے واک کردے تے گپ شپ وی لاندے نیں۔ صابر شاکر دا ہور کہنا سی کہ مریم نواز کولوں پُچھیا جاندا اے کہ نواز شریف کھانے وچ کیہ کھان گے۔
فیر مریم نواز جو کھانا دسدیاں نیں اوہی جیل وچ نواز شریف لئی بندا اے۔اوہناں دا کہنا سی کہ جیل وچ نواز شریف نوں باورچی وی ملیا ہویا اے۔ چیتے رہوے کہ پاکستان مسلم لیگ (ن) دے سینیٹر پرویز رشید نے آکھیا سی کہ جیل وچ مریم نواز نوں نواز شریف نال ملن نہیں دتا جاندا۔ اوہناں دا کہنا سی کہ عمران خان نوں جس طرحاں دی سہولت ملی اوہ کسے ہورنوں نہیں ، عمران خان اپنے فیصلے آپ لکھ رہے نیں، دُکھ دی گل اے تن وار وزیراعظم بنن والے بندے نوں جیل وچ دھی نال ملاقات دی سہولت نہیں’ووٹ کو عزت دو‘ دا نعرہ کیوں جرم سمجھیا جاندا اے۔
ایس جرم دی سزا وچ نواز شریف، مریم نواز تے کیپٹن (ر) صفدر نوں جیل وچ پایا گیا اے۔ مینوں دُکھ ہویا اے کہ اک ای جیل وچ رہندے ہوئے پچھلے 8دناں توں نواز شریف تے مریم نواز دی ملاقات نہیں کرائی گی ایہ بہت وڈا جرم اے۔پر ہن مشہور صابر شاکر نے ایس بارے انکشاف کردے ہوئے آکھیا کہ سابق وزیر اعظم نواز شریف تے مریم نواز جیل وچ اکٹھے روٹی پانی کھاندے نیں تے اکٹھے واک وی کردے تے گپ شپ وی لاندے نیں۔ صابر شاکر دا ہور کہنا سی کہ مریم نواز کولوں پُچھیا جاندا اے کہ نواز شریف کھانے وچ کیہ کھان گے۔ فیر مریم نواز جو کھانا دسدیاں نیں اوہی جیل وچ نواز شریف لئی بندا اے۔ جدکہ جیل وچ نواز شریف نوں باورچی وی ملیا ہویا اے۔
