اسلام آباد( پاکستان پوائنٹ نیوز20۔جولائی۔2018ء ) پاکستان وچ ڈالر دی قیمت وچ ریکارڈ وادھے نے سبھ نوں پریشان کر دتا اے۔ پر ایس موقعے تے (ن) لیگی رہنما و سابق وزیر خزانہ مفتاح اسماعیل دے بیان نے سبھ نوں حیران کر دتا۔ سابق وزیر خزانہ مفتاح اسماعیل نے بیان دتا کہ پیسے دی قدر وچ اسیں جانکے کمی کیتی۔ میڈیا رپورٹ مطابق (ن) لیگی رہنما و سابق وزیر خزانہ مفتاح اسماعیل دا کہنا سی کہ اسیں جانکے رُپئے دی قدوچ کمی کیتی۔
اوہناں نے آکھیا کہ پاکستان دیاں برآمدات تیزی نال گھٹ ہو رہیاں نیں، ایس ویلے چار سو ارب رُپئے دا سرکلر ڈیٹ اے پر ایہ بہت خطرناک اے تے تیزی نال ودھ رہیا اے۔ ساڈا امپورٹ 60ارب ڈالر جدکہ ایکسپورٹ 24ارب ڈالر اے۔ جدوں امپورٹ تے ایکسپورٹ وچ فرق 15ارب ڈالر ہو جاندا تے بہت خطرناک گل ہوندی اے۔ اک سوال دے جواب وچ مفتاح اسماعیل نے آکھیا کہ جے دنیا بھر وچ پٹرول مہنگا اے تے ساڈے ول وی مہنگا ہوئے گا ۔ ساڈی وی ایہ خاہش اے کہ اسیں دنیا نوں سستا پٹرول دئیے۔ چیتے رہوے کہ اوپن مارکیٹ وچ ڈالر دی قیمت 130رُپئے تیکر ہو گئی اے۔ جیہدے مگروں پاکستانی قرضیاں وچ وی وادھا ہو یا اے۔
