لاہور( پاکستان پوائنٹ نیوز18۔جولائی۔2018ء ) ایون فیلڈ ریفرنس کیس وچ سزا یافتہ ملزمہ مریم نواز نوں کرنسی سمگلنگ کیس وچ ملوث ماڈل ایان علی والی بیرک وچ رکھیا گیا اے۔ ایس بارے گل بات کردے ہوئے مشہور پرچا کار عامر متین دا کہنا سی کہ ایان علی نوں جدوں کرنسی سمگلنگ کیس وچ جیل گھلیا گیا سی تے اوس ویلے جیل دی حالت سنواری گئی سی۔ عامر متین دا کہنا سی کہ ایان علی دے جیل جان نال مریم بی بی دا اک فائدہ ہویا اے۔
کیونکہ ایس جیل نوں ایان علی لئی جدید طریقے نال سجایا گیا سی۔ ایس لئی مریم نواز نوں ایان علی دا شکریہ ادا کرنا چاہیدا کہ ایان علی دے جیل جان نال جیل دی حالت بہتر ہوئی اے۔ چیتے رہوے کہ اک رپورٹ وچ دسیا گیا سی کہ نواز شریف تے مریم نواز نوں الاٹ کیتی جان والی اڈیالا جیل دی بیرکس بارے پتا لگا اے کہ ایہناں بیرکس وچ سابق وزیر اعظم یوسف رضا گیلانی تے کرنسی سمگلنگ کیس وچ مرکزی ملزمہ ماڈل ایان علی قید رہیاں نیں۔ میڈیا رپورٹ مطابق نواز شریف نوں سابق وزیر اعظم یوسف رضا گیلانی والی بیرک جدکہ مریم نواز نوں کرنسی سمگلنگ کیس وچ ملوث ایان علی والی بیرک وچ رکھیا گیا اے۔
