لاہور( پاکستان پوائنٹ نیوز18۔جولائی۔2018ء ) مشہور پرچا کار رؤف کلاسرا دا کہنا اے کہ سانوں 10ورھیاں دے میثاق جمہوریت نے کیہ دتا اے، آصف زرداری نے دبئی وچ جائیداد بنائی، ایہدے وچوں ایان علی نکلی، ہن جو ڈالر دا اینا ریٹ جا رہیا اے ایہدے وچ اوہناں دا سبھ توں وڈا کردار اے جیہناں نے ایان علی نوں ضمانت دین وچ مدد کیتی۔ تفصیل مطابق مشہور پرچا کار رؤف کلاسرا دا پروگرام دوران گل بات کردے ہوئے کہنا سی کہ بلاول بھٹو ہن میثاق جمہوریت دی گل کردے نیں۔
پر سانوں دس سال دے میثاق جمہوریت نے کیہ دتا اے۔ آصف علی زرداری نے دبئی وچ محل بنا لئے۔ اج جو ڈالر دا ریٹ اینا اُتے جا رہیا اے ایہدے وچ ایان علی تے اوہناں سارے لوکاں دا بہت اہم کردار اے جیہناں نے ایان علی دی ضمانت کروائی۔ سارے لوکاں لئی ایہ گل شرم جوگ اے جیہناں نے ایان علی دے کیس ختم کروائے۔ رؤف کلاسرا دا کہنا سی کہ ایان علی پاکستان توں ڈالرز دا بیگ بھر کے باہر لے ملک لیجاندیاں سن تے جیہڑے لوکاں نے ایان علی نوں ائر پورٹ توں چھڈوایا سی اوہ پارلیمنٹرین نیں۔
بلاول بھٹو دے ماں پیو دے دس ورھیاں دے میثاق جمہوریت نے سانوں کرپشن توں وکھ کُجھ نہیں دتا۔ اوہناں نے سانوں عزیز بلوچ دتا جیہدے دربار وچ سبھ پیپلز پارٹی والے بیٹھدے سن۔ ایہدے مگروں ڈاکٹر عاصم حسین دتے جیہناں نے میڈیکل ایجوکیشن نوں تباہ کر کے رکھ دتا۔
