سابق وزیر اعظم نواز شریف نے پرویز رشید نوں چودھری نثار خلاف اہم ٹاسک دے دتا

چودھری نثار کسے وی صورت نہ جت سکن:نواز شریف دی جیل جان توں پہلے پرویز رشید نوں ہدایت

سابق وزیر اعظم نواز شریف نے پرویز رشید نوں چودھری نثار خلاف اہم ٹاسک دے دتا
چودھری نثار کسے وی صورت نہ جت سکن:نواز شریف دی جیل جان توں پہلے پرویز رشید نوں ہدایت

لاہور( پاکستان پوائنٹ نیوز17۔جولائی۔2018ء ) سابق وزیر اعظم نواز شریف نے پرویز رشید نوں چودھری نثار خلاف اہم ٹاسک دے دتا۔ میڈیا رپورٹس مطابق سابق وزیر اعظم نواز شریف نے سابق وفاقی وزیر پرویز رشید نوں اہم ٹاسک دیندے ہوئے آکھیا کہ چودھری نثار کسے وی صورت الیکشن نہ جت سکن۔ ایس حوالے نال پرویز رشید وی متحرک ہو گئے نیں۔ میڈیا رپورٹس وچ دسیا گیا اے کہ نواز شریف دی پاکستان آمد توں دس دن پہلاں نواز شریف تے پرویز رشید نے ایہ پلاننگ شروع کیتی سی۔ چودھری نثار حلقہ 59تے 83توں قومی اسمبلی دا الیکشن لڑ رہے نیں تے (ن) لیگ نے چودھری نثار خلاف اپنے امیدوار کھڑے کیتے ، تاں جے اوہناں دے ووٹ بنک نوں ونڈیا جائے۔ ایہدے مگروں نواز شریف نے پرویز رشید نوں اہم ٹاسک دیندے ہوئے آکھیا اے کہ نہ تے چودھری نثار ایہناں حلقیاں وچوں جت سکن تے نہ ای (ن) لیگ دے ووٹ چودھری نثار نوں مل سکن۔دوجے پاسے ہن پرویز رشید وی ایس حوالے نال ریڈی ہوگئے نیں تے چودھری نثار دے دوویں حلقیاں وچ دوریاں دا شیڈول بنا لیا اے۔ ایس دوران اوہ کئی لوکاں نال ملاقاتاں وی کرن گے۔ چیتے رہوے کہ نواز شریف دی ملک واپسی اُتے چودھری نثار نے آکھیا سی کہ میں نواز شریف دے استقبال لئی نہیں جاواں گا۔ اوہناں دا کہنا سی کہ جے میں مسلم لیگ (ن) وچ ہوندا وی تے نواز شریف دے استقبال لئی نہ جاندا۔