تحریک انصاف نے لاہور وچ سیاسی سرگرمیاں ملتوی کرن دا اعلان کر دتا

تحریک انصاف نے لاہور وچ سیاسی سرگرمیاں ملتوی کرن دا اعلان کر دتا

اسلام آباد( پاکستان پوائنٹ نیوز16۔جولائی۔2018ء ) تحریک انصاف نے لاہور وچ سیاسی سرگرمیاں ملتوی کرن دا اعلان کر دتا، پارٹی ولوں 21جولائی نوں لاہور وچ شیڈول جلسے نوں ملتوی کر دتا گیا، انتخابات توں پہلاں آخری وڈا جلسہ اسلام آباد وچ ہوئے گا۔ تفصیل مطابق پاکستان تحریک انصاف دی سینئر قیادت دا اہم اجلاس بنی گالا وچ ہویا۔ اجلاس دی صدارت تحریک انصاف دے سربراہ عمران خان نے کیتی۔

ایس توں وکھ اجلاس وچ پارٹی دے سینئر رہنماواں نے وی رلت کیتی۔ اجلاس دوران انتخابی مہم دے حوالے نال وچار وٹاندرا کیتا گیا۔ اجلاس دوران تحریک انصاف دے سربراہ عمران خان نے انتخابی مہم دے شیڈول وچ تبدیلی کرن دی منظوری دتی۔ انتخابی مہم دے شیڈول وچ تبدیلی مگروں تحریک انصاف دا 21جولائی نوں پنجاب دی راجدھانی لاہور وچ شیڈول جلسہ معطل کر دتا گیا اے۔

چیتے رہوے کہ ایس توں پہلاں تحریک انصاف نے عام انتخابات دی مہم دے سلسلے وچ آخری وڈا جلسہ لاہور وچ کرن دا فیصلا کیتا پر ہن ایس فیصلے نوں بدل دتا گیا اے۔ عمران خان دی منظوری مگروں مہم دا ویلا ختم ہون توں پہلاں تحریک انصاف آخری وڈا جلسہ اسلام آباد وچ کرے گی۔تحریک انصاف 21جولائی نوں اسلام آباد دے پریڈ گراؤنڈ وچ جلسے دا انعقاد کرے گی۔