لاہور( پاکستان پوائنٹ نیوز16۔جولائی۔2018ء ) سابق وزیر اعظم نواز شریف دے دوہترے تے مریم نواز دے پُتر جنید صفدر پاکستان اپڑ گئے نیں۔ جنید صفدر غیر ملکی اُڈان کیو آر 628راہیں علامہ اقبال انٹرنیشنل ائر پورٹ لاہور اپڑے تے مسلم لیگ (ن) دے کارکناں نے اوہناں دا چاہواں نال استقبال کیتا۔ کارکناں نے اوہناں نوں پُھلاں دے ہار پوائے تے نواز شریف دے حق وچ نعرے لائے پر جنید صفدر میڈیا نال کوئی گل بات کیتے بغیر ای چلے گئے۔
لیگی وسیلیاں مطابق جنید صفدر اڈیالا جیل وچ اپنے نانے نواز شریف، ماں مریم نواز تے والد کیپٹن (ر) صفدر نال ملاقات کرن گے۔ دسیا گیا اے کہ جنید صفدر مسلم لیگ (ن) دی انتخابی مہم وچ وی رلتی ہون گے۔یاد رہوے کہ نواز شریف، مریم نواز تے کیپٹن (ر)صفدر نوں احتساب عدالت نے ایون فیلڈ ریفرنس وچ قید تے جرمانیاں دیاں سزاواں سنائیاں نیں۔
