لاہور( پاکستان پوائنٹ نیوز14۔جولائی۔2018ء ) مسلم لیگ (ن) دی میاں نواز شریف دے تاریخی استقبال دی حکمت عملی ناکام ہو گئی، مسلم لیگ (ن) دے قائد میاں نواز شریف تے مریم نواز 19گھنٹیاں دا پندھ کر کے لندن توں لاہور ائر پورٹ اپڑے، جتھوں اوہناں نوں اڈیالا جیل راولپنڈی منتقل کر دتا گیا، پر شہباز شریف 10منٹ دے پینڈے (فاصلے)اُتے موجود علامہ اقبال انٹرنیشنل ائر پورٹ نہ اپڑ سکے۔
جیہدے اُتے ناقداں نے اوہناں نوں تنقید دا نشانا بنایا، سپیکر ایاز صادق وی نظر نہ آئے۔ تفصیل مطابق پچھلے دیہاڑے مسلم لیگ (ن) دی قیادت نے شہباز شریف دی سربراہی وچ نواز شریف تے مریم نواز دے ائر پورٹ اپڑن اُتے تاریخی استقبال دی حکمت عملی تیار کیتی سی جو ناکام ہو گئی۔ وسیلیاں مطابق مسلم لیگ (ن) دے قائد میاں نواز شریف تے مریم نواز 19گھنٹیاں دا پندھ کر کے لندن توں لاہور ائر پورٹ اپڑے، جتھوں اوہناں نوں اڈیالا جیل راولپنڈی منتقل کر دتا گیا، پردوجے پاسے شہباز شریف 10منٹ دے پینڈے اُتے موجود علامہ اقبال انٹرنیشنل ائر پورٹ نہ اپڑ سکے۔
جیہدے اُتے ناقداں نے اوہناں نوں تنقید دا نشانا بنایا۔ ایس توں وکھ سپیکر ایاز صادق وی نظر نہ آئے۔پر ریلی نال خطاب وچ شہباز شریف دا کہنا سی کہ ایس طرحاں دی ریلی اوہناں نے تاریخ وچ کدی نہیں ویکھی۔
