لاہور( پاکستان پوائنٹ نیوز13۔جولائی۔2018ء ) رانا ثنا اللہ نے نواز شریف دی وفاداری وچ ہر حد پار کر دتی۔ نواز شریف دا استقبال حج توں وڈا کم اے۔ رانا ثنااللہ دا جھیڑوا(متنازعہ) بیان ساہمنے آ گیا۔تفصیل مطابق نواز شریف دا جہاز پاکستانی حد وچ اپڑگیا۔مریم نواز تے نواز شریف اتحاد ائر ویز دی اُڈان وائے 243راہیں پاکستان آرہے۔دوجے پاسے ملک بھر توں لیگی کارکناں دے قافلے نواز شریف دے استقبال لئی لاہور اپڑ رہے نیں، جتھے اوہناں نوں نگران حکومت ولوں مزاحمت دا ساہمنا اے۔
ایس حوالے نال گل بات کرد ے ہوئے رانا ثناء اللہ دا کہنا سی کہ کارکن ملک بھر توں استقبال لئی آ رہے نیں۔ نگران حکومت نے ریلی نوں نہ روکن دا وعدہ کیتا سی تے ہن اوہ اپنے وعدے توں مُکر گئے۔ اوہناں دا کہنا سی کہ کارکناں نوں روکن لئی کنٹینر لائے گئے پر کارکن پیدل ٹُر پئے نیں۔ ایس موقعے تے اوہناں نے نواز شریف دی وفاداری وچ ہر حد پار کر دتی۔ اوہناں دا کہنا سی کہ نواز شریف دا استقبال حج اے۔ ایس بیان اُتے علماء کرام و لوکائی ولوں ردعمل دا اظہار کیتا جا رہیا اے۔ایس توں وکھ مفتی زبیر دا کہنا سی کہ رانا ثنا اللہ دا بیان ناجائز تے حرام اے۔
