عمران خان نوں میں برہنہ کُڑیاں دیاں تصویراں ویکھدے آپ موقعے تے پھڑیا:ریحام خان دا الزام

عمران خان نوں میں برہنہ کُڑیاں دیاں تصویراں ویکھدے آپ موقعے تے پھڑیا:ریحام خان دا الزام

لندن( پاکستان پوائنٹ نیوز12۔جولائی۔2018ء ) پی ٹی آئی چیئرمین عمران خان دی دوجی بیوی اک وار فیر خبراں دی زینت بن گئیاں نیں۔ ریحام خان نے جتھے اپنی کتاب وچ پی ٹی آئی چیئرمین عمران خان تے اوہناں دے قریبی ساتھیاں بارے کئی انکشافات کیتے نیں اوتھے اوہناں نے عمران خان بارے وی کئی دعوے کیتے ۔ریحام کان نے اپنی کتاب وچ پی ٹی آئی چیئرمین عمران خان اُتے کُڑیاں وچ دلچسپی رکھن دا الزام وی لایا اے۔ اپنی کتاب وچ ریحام خان نے لکھیا کہ عمران خان اکثر برہنہ کُڑیاں دیاں تصویراں ویکھدے سن، عمران خان نوں کُڑیاں وچ بہت دلچسپی سی تے میں اوہناں نوں کئی وار برہنہ کُڑیاں دیاں تصویراں ویکھدے ہوئے رنگے ہتھیں پھڑیا وی ۔ اپنی ایس کتاب وچ ریحام خان نے ایہ وی لکھیا کہ اک سوانی پرچا کار نے مینوں دسیا کہ فلمسٹار ریشم کولوں خبر ملی اے، اوہناں نے اپنے ریل نامی اک کُھسرے دوست نوں عمران خان کول گھلیا اے، جیہدے اُتے اوہ بہت خش اے۔ایس توں وکھ ریحام خان نے اپنی کتاب وچ انکشاف کیتا کہ عمران خان دی جیب وچوں کوکین دے پیکٹس برآمد کیتے سن۔ ایہو نہیں بلکہ ریحام خان نے عمران خان دی جیب توں برآمد ہون والی کوکین دیاں تصویرں وی اپنی کتاب وچ چھپوا دتیاں ۔ریحام خان نے اپنی کتاب وچ دعوا کیتا کہ اوہناں نے اک وار نہیں بلکہ کئی وار عمران خان توں کوکین برآمد کیتی سی۔ ریحام خان ولوں کیتے گئے ایس دعوے نے اک وار فیر خبراں وچ اپنی تھاں بنا لی اے۔ 

ایس توں وکھ اپنی کتاب بارے ریحام خان دا ٹویٹ کردے ہوئے کہنا سی کہ میری کتاب دے 365نہیں بلکہ 563صفحے نیں جو کہ ’ایموزن‘ اُتے موجود اے۔ ایس بارے مشہور پرچا کار کامران خان نے اک ٹویٹ کیتا کہ ریحام خان دی کتاب دے 365صفحے نیں تے ایہ ہن ساہمنے آ گئی اے۔ ریحام خان دی کتاب انج گھم رہی اے جیویں پاکستانی سیاست اُتے کوئی کتاب موجود نہیں اے۔ ایس گل وچ کوئی شک نہیں اے کہ کتاب نوں ساہمنے لیان دی ٹائمنگز بہت مشکوک اے۔ ایہ کتاب عمران خان خلاف اک ہتھیار دے طور اُتے ورتی جائے گی۔ کتاب وچ شامل گلاں یقینی طور اُتے ہلا دین والیاں نیں۔ تحریک انصاف نوں چھیتی ای ایس کتاب دے حوالے نال مقدمہ دائر کرنا چاہیدا۔ 

   


کامران خان دی ایس ٹویٹ دا جواب دیندے ہوئے ریحام خان دا کہنا سی کہ سِر مینوں نہیں پتا تُسیں اوہ کتاب کیوں نہیں پڑ ھ رہے جو میں چھاپی اے۔ ایس کتاب دے 365نہیں بلکہ 563صفحے نیں۔ تُسیں واضح طور اُتے ایہ ایڈٹ کتاب پڑھ رہے او۔ مہربا نی اپنی بھاری تنخاہ وچوں پیسے خرچ کے میری اصل کتاب مُل لوو۔