نواز شریف دی آمد:لاہور وچ ہنگامی صورتحال

سکیورٹی خدشیاں کارن میٹرو تے سپیڈو بس سروس نوں معطل رکھن دا فیصلا

نواز شریف دی آمد:لاہور وچ ہنگامی صورتحال
سکیورٹی خدشیاں کارن میٹرو تے سپیڈو بس سروس نوں معطل رکھن دا فیصلا

لاہور( پاکستان پوائنٹ نیوز12۔جولائی۔2018ء ) نواز شریف دی آمد دے موقعے تے لاہور وچ ہنگامی صورتحال پیدا ہون دا ڈر اے۔ سکیورٹی خدشیاں کارن میٹروتے سپیڈو بس سروس نوں معطل کرن دا فیصلا کیتا گیا اے۔ تفصیل مطابق احتساب عدالت ولوں ایون فیلڈ ریفرنس کیس دا فیصلا سُنایا گیا سی۔ فیصلے دے تحت سابق وزیر اعظم نواز شریف نوں 10، اوہناں دی دھی مریم نواز نوں 7تے داماد کیپٹن (ر) صفدر نوں اک سال قید دی سزا سُنائی گئی اے۔

نواز شریف نوں 10ملین پاؤنڈ تے مریم نواز نوں 2ملین پاؤنڈ جرمانہ وی کیتا گیا اے۔پر نواز شریف تے مریم نواز بیگم کلثوم نواز دی بیماری پاروں لندن وچ نیں، جو کل واپس آ رہے نیں۔اوہناں دی آمد دے موقعے تے لاہور وچ ہنگامی صورتحال پیدا ہون دا ڈر اے۔ایس حوالے نال ضلعی انتظامیہ نے سکیورٹی خدشیاں نوں مُکھ رکھدے ہوئے میٹرو تے سپیڈو بس سروس نوں معطل رکھن دا فیصلاکیتا اے۔