لاہور( پاکستان پوائنٹ نیوز12۔جولائی۔2018ء ) (ن) لیگی رہنماواں نے قافلے لاہور لیجان دی ذمے واری اک دوجے اُتے پا دتی۔ سابق وزیر اعظم نواز شریف دی ملک واپسی اُتے قافلے کدوں تے کتھوں ٹُرن گے، کوئی تیاری نہ ہو سکی۔ میڈیا رپورٹس مطابق پاکستان مسلم لیگ (ن) دے سینئر رہنما رانا ثناء اللہ، طلال چودھری تے عابد شیر علی سنے کئی اہم رہنما اپنی اپنی انتخابی مہم وچ رُجھے (مصروف) نیں۔
رہنماواں دی آپسی لڑائی دی وجہ توں کارکن وی چُپ ہو گئے نیں تے نواز شریف دے استقبال بارے (ن) لیگ دھڑے بندیاں دا شکار ہو گئی۔ (ن) لیگی رہنماواں نے قافلے لاہور لیجان دی ذمے واری اک دوجے اُتے پا دتی اے۔ سابق وزیر اعظم نواز شریف دی ملک واپسی اُتے قافلے کدوں تے کتھوں ٹُرن گے۔ ایس بارے کارکناں نوں کوئی خبر نہیں اے۔تے نہ ای ٹرانسپورٹ دے حوالے نال انتظامات دا دسیا جا رہیا اے۔
دوجے پاسے ٹرانسپورٹرز نے وی (ن) لیگ نوں گڈیاں دین توں انکار کر دتااے ۔ وسیلیاں مطابق پچھلی رات کافی دیر تیکر لیگی ٹکٹ ہولڈرز نے کئی ٹرانسپورٹرز نوں عام کرائے توں ڈبل کرائے اُتے ویگناں دین دی آفر وی کیتی اے۔ پر ٹرانسپورٹرز نے آکھیا کہ (ن) لیگ دے دور وچ زبردستی ویگناں لیجائیاں جاندیاں سن، باقی پیسے لین لئی چکر لا کے لاکے تھک جاندے ساں پر پیسے نہیں دتے جاندے سن۔ ہن تے تحریک انصاف دے امیدواراں یاں الیکشن کمیشن نوں ای گڈیاں دتیاں جان گیاں۔
