کراچی( پاکستان پوائنٹ نیوز10۔جولائی۔2018ء ) قبائلی نوجوان نقیب اللہ دے قتل کیس وچ ملوث سابق ایس ایس پی ملیر و مرکزی ملزم راؤ انوار دی ضمانت منظور ہو گئی اے۔ میڈیا رپورٹ مطابق انسداد دہشت گردی دی اُچیچی عدالت نے نقیب اللہ قتل کیس دے مرکزی ملزم راؤ انوار دی ضمانت منظور کر لی اے۔ عدالت نے راؤ انوار دی ضمانت منظور کردے ہوئے ضمانتی مچلکیاں دے بدلے 10لکھ رُپئے جمع کروان دا حکم دتا۔
راؤ انوار دی ضمانت اغوا تے قتل دے مقدمے وچ منظور کیتی گئی اے۔ عدالت نے نقیب اللہ قتل کیس دے مفرور ملزماں سابق ایس ایچ او، امان اللہ مروت تے شعیب شوٹر سنے 12توں ودھ ملزماں دے وارنٹ گرفتاری وی جاری کیتے۔ چیتے رہوے کہ راؤ انوار اُتے قبائلی نوجوان نقیب اللہ محسود نوں جعلی پولیس مقابلے وچ قتل کرن دا الزام سی۔
