اسلام آباد( پاکستان پوائنٹ نیوز07۔جولائی۔2018ء ) سپریم جوڈیشل کونسل نے اسلام آباد ہائی کورٹ دے جسٹس شوکت عزیز صدیقی نوں 30جولائی نوں سد لیا، جسٹس شوکت عزیز صدیقی خلاف سپریم جوڈیشل کونسل اندر 2015وچ فائل نوٹس اُتے سنوائی ہوئے گی۔ میڈیا رپورٹس مطابق سپریم جوڈیشل کونسل نے اسلام آباد ہائی کورٹ دے جج شوکت عزیز صدیقی نوں 30جولائی نوں سدیا اے۔
جیہدے وچ اوہناں خلاف 2015وچ فائل اک شکایت اُتے کیس دی سنوائی کیتی جائے گی۔ چیتے رہوے کہ اسلام آباد ہائی کورٹ د ے جج شوکت عزیز صدیقی نے چیف جسٹس سپریم کورٹ دے سیشن جج نال مندے سلوک اُتے تنقید کردے ہوئے آکھیا سی کہ چیف جسٹس نوں اپیل کرنا چاہنا واں۔ چیف جسٹس نوں حق اے کہ اوہ ساڈے قانون دے خلاف دتے گئے فیصلیاں نوں کالعدم قرار دین پر چیف جسٹس نوں کوئی حق نہیں کہ اوپن کورٹ وچ ججاں دی تضحیک کرن۔ اوہناں دا کہنا سی کہ مذاق بنا لیا اے کسے دا مونہ چنگا نہیں لگدا تے اوہدی تضحیک شروع کر دیو۔ اوہ ساڈی عزت نہیں کرن گے تے سانوں وی اپنے ادارے دے دفاع لئی جواب دین دا حق اے۔
