لاہور( پاکستان پوائنٹ نیوز07۔جولائی۔2018ء ) مسلم (ن) دے مرکزی رہنما حمزہ شہباز نے آکھیا اے کہ 25جولائی نوں لوکائی دی عدالت لگے گی تے لوکائی(عوام) ایہ فیصلا سُنائے گی ، جو مرضی کر لوو نواز شریف نوں دلوں نہیں کڈھیا جا سکدا، جے دنیا وچ جھوٹھ بولن دا ورلڈ کپ ہوئے تے عمران نیازی اوہ ورلڈ کپ ضرور جِتے گا، اوہ جِنے مرضی دھرنے دین 25جولائی نوں اوہناں دا یوم حساب اے۔
لاہور دے حلقہ این اے 133وچ کارنر میٹنگ نال خطاب کرد ے ہوئے حمزہ شہباز دا کہنا سی کہ جے دنیا وچ جھوٹھ بولن دا ورلڈ کپ ہوئے تے عمران نیازی اوہ ورلڈ کپ ضرور جِتے گا، اوہ جِنے مرضی دھرنے دین 25جولائی نوں اوہناں دا یوم حساب اے۔اوہناں نے ہور آکھیا کہ جو فیصلا آیا اے اوہ نواز شریف نال ناانصافیاں دا تسلسل اے۔ 70سال وچ 18ہزار میگا واٹ بجلی پیدا ہوئی جدکہ نواز شریف دے 5سال وچ 11ہزار میگا واٹ بجلی نیشنل گرڈ وچ آئی۔
پنجاب وچ کم ہویا ۔ جو وی سروے چُک کے ویکھ لوو شیر سبھ توں اگے اے۔ پر خیبرپختونخوا وچ انج دا کُجھ نہیں اے۔ لاہور دے علاقے شاہدرہ وچ کارنر میٹنگ نال خطاب کردے ہوئے حمزہ شہباز دا کہنا سی کہ لکھاں ڈالراں دی آفر نوں رد کر کے نواز شریف نے پاکستان نوں ایٹمی طاقت بنایا۔ موٹرویز دا جال وچھایا تے کراچی وچ امن لیاندا، نیب دے وکیل نواز شریف اُتے کرپشن ثابت کرن وچ ناکام رہے۔ حمزہ شہباز دا کہنا سی کہ لوڈشیڈنگ ختم کیتی ہن پانی دی کمی نوں وی ختم کراں گے۔ کالا باغ ڈیم سیاست دی نذر ہو گیا پر بھاشا تے ہور ڈیمز اُتے کم کراں گے۔
