لاہور( پاکستان پوائنٹ نیوز05۔جولائی۔2018ء ) صدر مملکت ممنون حسین دی گھر والی محترمہ محمودہ ممنون نے قرآن پاک دے 20توں ودھ سپارے حفظ کر لے۔ تفصیل مطابق پاکستانی صدر ممنون حسین دی بیوی محترمہ محمودہ ممنون قرآن پاک حفظ کر رہیاں نیں۔ قومی اخبار دی اک رپورٹ وچ دسیا گیا اے کہ صدر پاکستان دی گھر والی نے 20سپارے حفظ کر لے نیں۔ اوہناں نے ایس خاہش دا اظہار کیتا اے کہ اوہ صدر مملکت دی صدارتی مدت پوری ہوندے نال ای قرآن پاک پورا حفظ کرنا چاہندیاں نیں۔
وسیلیاں دا کہنا اے کہ محمودہ بیگم دین نال خاص لگاؤ رکھدیاں نیں۔ ایون صدر وچ رہند ے ہوئے اوہناں نے قرآن پاک زبانی یاد کرن دے سلسلے دی شروعات کیتی سی تے ہن تیکر 20سپارے حفظ کر لے نیں۔ محمودہ ممنون حسین دا کہنا اے کہ ہن اوہناں دا عزم اے کہ اوہ قرآن حفظ کرن دی رفتار ودھان گیاں تے صدارتی مدت ختم ہون تیکر قرآن پاک حفظ کر لین گیاں۔ ایہ وی پتا لگا اے کہ ترجمہ و تفسیر تے حفظ قرآن مجید لئی بیگم محمودہ ممنون حسین دینی رفاہی ادارے الہدی انٹرنیشنل نال جُڑیاں (وابستہ) نیں ۔ ایس ادارے دی سرپرستی مشہور بین الاقوامی شہرت یافتہ اسلامک سکالر ڈاکٹر فرحت ہاشمی کر رہیاں نیں۔
