نیب دا کسے وی انتخابی امیدوار نوں 25جولائی توں پہلاں گرفتار نہ کرن دا فیصلا

نیب دا کسے وی انتخابی امیدوار نوں 25جولائی توں پہلاں گرفتار نہ کرن دا فیصلا

لاہور( پاکستان پوائنٹ نیوز04۔جولائی۔2018ء ) نیب ایگزیکٹو بورڈ دے اجلاس وچ اہم فیصلا کر لیا گیا۔ نیب اعلامیے مطابق کسے وی انتخابی امیدوار نوں 25جولائی تیکر گرفتار نہ کرن دا فیصلا کیتا گیا اے۔ تفصیل مطابق اج نیب ایگزیکٹو بورڈ دا اجلاس ہویا۔ اجلاس چیئرمین نیب جسٹس(ر) جاوید اقبال دی سربراہی وچ ہویا۔ اجلاس وچ آؤندے الیکشن دے حوالے نال اہم اعلان کیتا گیا اے۔

نیب نے ایس بارے اک اعلامیہ وی جاری کیتا اے، جیہدے وچ آکھیا گیا اے کہ 25جولائی تیکر کسے وی انتخابی امیدوار نوں گرفتار نہیں کیتا جائے گا۔ ملزماں اُتے قومی منصوبیاں وچ 19ارب رُپئے دا نقصان اپڑان دا الزام اے۔اعلامیے وچ آکھیا گیا کہ نیب ایہ واضح کرنا چاہندا اے کہ اوہدا سیاست تے الیکشن نال کوئی تعلق نہیں اے۔ ایس لئی نیب نے سیاسی امیدواراں خلاف کیسز نوں الیکشن تیکر ملتوی کرن دا فیصلا کیتا اے۔ نیب نے خواجا آصف سنے اہم لیگی رہنماواں دے مقدمیاں دا وی جائزہ لیا اے۔ ایس توں وکھ نیب نے احد چیمہ خلاف کرپشن ریفرنس دائر کرن دی وی منظوری دے دتی اے۔اجلا س دوران بلین ٹری سونامی منصوبے وچ خیبرپختونخوا دے افسراں خلاف انکوائری دی وی منظوری دتی گئی۔