اسلام آباد( پاکستان پوائنٹ نیوز03۔جولائی۔2018ء )سابق وزیر خزانہ اسحاق ڈار نے اپنا سرمایہ اِک بھارتی شہری دے ناں منتقل کر دِتا اے۔ قومی اخبار وچ چھپی اک رپورٹ مُوجب ن لیگ دے آگو تے سابق وزیر خزانہ اسحاق ڈار دے پُتراں علی ڈار تے حسنین ڈار نے اپنی ساری سرمایہ کاری اِک بھارتی بندے دے ناں تے منتقل کر دِتی اے۔
سوشل میڈیا اُتے ایس بھارتی شخص توں متعلق دعویٰ کیتا جا رہیا اے کہ ایہہ بندہ بھارتی خفیہ ایجنسی ’را‘ دا ایجنٹ اے جیہدی دُبئی وچ ریئل اسٹیٹ کمپنی اے۔ ذرائع نے دعویٰ کیتا اے کہ کجھ دیہاڑ پہلاں اسحاق ڈار دے پُتراں نے کاروباری لین دین دے سلسلے وچ گل بات کیتی۔ اوہ اپنے شیئرز دُبئی وچ واقع اِک کینیڈین سکول مرڈف نُوں منتقل کرن دی کوشش کر رہے نیں۔
اسحاق ڈار دی نُونہہ ایسے سکول وچ ٹیچر اے۔ایس توں اڈ اوہ ایچ ڈی ایس ٹاور جے ایل ٹی وچ اپنے یونٹس وی منتقل کر رہے نیں۔۔ اوہناں نُوں صوبہہ گروپ توں چوکھی کمائی کھٹّن دی آس اے تے ایس وچ اوہناں دی سرمایہ کاری 20 ملین دے نیڑے تیڑے اے۔ ایس دفتر توں متعلقہ ملازماں دا کہنا اے کہ اوہناں دا فنانس مینجر جگنیش وجانی اے۔ بھارتی پارٹنر اسحاق ڈار توں ایمریٹس ہلز مینشن خریدن دا چاہیوان اے۔
دسیا گیا اے کہ اوہ اپنی رقم کینیڈا گھلنا چاہندے نیں جتھے ایہہ رقم کینیڈین موٹر اسپیڈ وے دے پراجیکٹ وچ لائی جاوے گی۔ حسنین ڈار دی بیوی دا نُور بینک وچ 50 ملین درہم دا فکسڈ ڈپازٹ اے ۔ اوہناں نے پراجیکٹس وچ چوکھی رقم نُوں سفید دھن وچ بدل لیا اے۔اوہناں نے 30 ملین ڈالرز وچ سکائی گارڈن دا پراجیکٹ خریدیا اے تے ایس توں اڈ اوہناں دی جمیرہ انٹرنیشنل سٹی‘ جے ایل ٹی‘ صبح ایوری ٹاور‘ 2میڈن ان موبجا‘ جمیرہ ویلج سرکل وچ چوکھی سرمایہ کاری اے۔ رپورٹ مُوجب اوہناں نے ہُن تک اک تیار شدہ 70 ملین درہم دا مالیاتی اپارٹمنٹ خرید لیا اے۔ جتھے حسنین ڈار تے علی ڈار رہائش رکھن
