اسلام آباد( پاکستان پوائنٹ نیوز03۔جولائی۔2018ء ) ایمنسٹی سکیم دے تحت تیجی جنس دے حقاں لئی سرگرم الماس بوبی نے 100ملین رُپئے دے اثاثے ظاہر کر دتے نیں۔ میڈیا رپورٹ مطابق ایف بی آر وسیلیاں نے دسیا کہ ریجنل ٹیکس آفس راولپنڈی وچ تیجی جنس دے حقاں لئی سرگرم الماس بوبی نے ٹیکس ایمنسٹی ڈیکلیریشن جمع کروایا اے۔ ایس رضا کارانہ سکیم دے تحت ایف بی آر کسے وی بندے توں آمدن دے وسیلے نہیں پُچھ سکدا، ایس لئی الماس بوبی نوں ایہ دسن دی لوڑ نہیں کہ اوہنے ایہ اثاثے کیویں بنائے نیں۔
سکیم دے تحت اپنی آمدنی دسن والے بندے دا ناں راز وچ رکھیا جاندا اے پر ایف بی آر راولپنڈی ریجنل بورڈ دے اک اہلکار نے قانون توڑدے ہوئے الماس بوبی دی تصویر سوشل میڈیا سائٹ فیس بک اُتے اپنے اک پیج اُتے اپ لوڈ کر دتی۔ ایف بی آر حکام مطابق الماس بوبی نے تقریبن 110ملین رُپئے دے اثاثے ظاہر کیتے۔حکام مطابق الماس بوبی ولوں تقریبن 5.5ملین رُپئے ٹیکس وی دتا جائے گا۔
