سرکاری ملازماں لئی وڈی خشخبری

اسلام آباد( پاکستان پوائنٹ نیوز02۔جولائی2018ء ) نگران حکومت نے مالی سال 2018-19دے بجٹ وچ وفاقی ملازماں دیاں تنخاہواں وچ 10فیصد ایڈہاک ریلیف الاؤنس وادھے دا نوٹی فکیشن جاری کر دتا ، وفاقی سرکاری ملازماں دی بنیادی تنخاہ وچ 10فیصد ایڈہاک ریلیف الاؤنس دا اطلاق پہلی جولائی توں ہوئے گا۔ پیر نوں وفاقی وزارت خزانہ نے وفاقی سرکاری ملازماں دیاں تنخاہواں وچ 10فیصد وادھے دا نوٹی فکیشن جاری کر دتا۔ سرکاری ملازماں دی بنیادی تنخاہ وچ 10فیصد ایڈہاک ریلیف الاؤنس دا اطلاق پہلی جولائی توں ہوئے گا۔ تنخاہواں دے خرچیاں نوں مالی سال 2018-19دے مختص کیتے گئے بجٹ نال پورا کیتا جائے گا۔ صدر مملکت ممنون حسین دی منظوری مگروں وفاقی خزانہ نے تنخاہواں وچ وادھے دا نوٹی فکیشن جاری کر دتا اے۔