لاہور( پاکستان پوائنٹ نیوز30۔جون2018ء ) مسلم لیگ (ن) دے صدر محمد شہباز شریف دے مولانا فضل الرحمان نال رابطے مگروں متحدہ مجلس عمل نے حلقہ این اے 3سوات توں اپنا امیدوار شہباز شریف دے حق وچ بیٹھا دتا اے۔ دسیا گیا اے کہ (ن) لیگ دے صدر شہباز شریف 5حلقیاں توں الیکشن لڑ رہے نیں،جیہناں وچ این اے 3سوات وی شامل اے۔ شہباز شریف نے مولانا فضل الرحمان نال رابطہ کر کے این اے 3وچ متحدہ مجلس عمل توں حمایت منگی ۔ امیر ایم ایم اے مولانا فضل الرحمان نے پارلیمانی بورڈ نال صلاح مگروں شہباز شریف دی حمایت کردے ہوئے اپنے امیدوار مولانا حجت اللہ نوں این اے تن توں بیٹھا دتا اے۔ ہن سوات این اے 3وچ شہباز شریف تے پی ٹی آئی دے سلیم الرحمان دا مقابلا ہوئے گا۔
حلقہ این اے 3:شہباز شریف نوں وڈی کامیابی مل گئی
مولانا فضل الرحمان نے شہباز شریف دے حق وچ اپنا امیدوار بیٹھا دتا
6 سال پچھے
