اسلام آباد( پاکستان پوائنٹ نیوز30۔جون2018ء ) پاکستان تحریک انصاف دے وائس چیئرمین شاہ محمود قریشی دی ملتان سیٹ خطرے وچ پے گئی، بھرا نے مسلم لیگی رہنما عبدالغفار ڈوگر دی حمایت دا اعلان کر دتا۔ تفصیل مطابق پاکستان تحریک انصاف دے وائس چیئرمین شاہ محمود قریشی انتخابی تیاریاں وچ رُجھے نیں پر مبینہ طور اُتے پارٹی اند اختلاف ہون دی وجہ توں ہن الیکشن دے محاز اُتے وی اوہناں دیاں اوکڑاں وچ وادھا ہویا اے۔
شاہ محمود قریشی پی ٹی آئی ولوں قومی اسمبلی دیاں تن حلقیاں ملتان، عمر کوٹ تے تھرپارکر توں الیکشن لڑ رہے نیں۔ وسیلیاں مطابق شاہ محمود قریشی دے بھرا مرید حسین قریشی نے الیکشن 2018وچ (ن) لیگی امیدوار عبدالغفار ڈوگر دی حمایت دا اعلان کر دتا اے۔ ملک عبدالغفار ڈوگر حلقہ این اے 157توں زین قریشی دے مقابلے وچ قومی اسمبلی دے امیدوار نیں۔ گدی نشینی دے معاملے اُتے شاہ محمود قریشی اُتے سنگین اختلافات ظاہر کرن والے مرید حسین قریشی کئی ورھے پیپلز پارٹی نال جُڑے رہے۔
