میں تحریک انصاف دے امیدوار دا مقابلا نہیں کر سکدا:فیصل کریم کنڈی

ٹانک( پاکستان پوائنٹ نیوز30۔جون2018ء ) الیکشن 2018لئی امیدوارں دے ناں ساہمنے آؤندے ای سیاسی میدان سجنا شروع ہو گیا اے تے ایس حوالے نال جوڑ توڑ وی جاری اے۔ این اے 37ٹانک توں پاکستان پیپلز پارٹی دے امیدوار و سابق ڈپٹی سپیکر قومی اسمبلی فیصل کریم کنڈی پاکستان تحریک انصاف دے امیدوار حبیب اللہ کنڈی دے حق وچ بِہ گئے (دستبردار) نیں۔ حبیب اللہ خان کنڈی دا مقابلا متحدہ مجلس عمل دے سربراہ مولانا فضل الرحمان دے پُتر مولانا اسد محمود نال ہوئے گا۔ فیصل کریم کنڈی دے مطابق اوہ مولانا اسد محمود نوں ہران لئی پاکستان تحریک انصاف دے حق وچ بِہ گئے نیں۔ چیتے رہوے کہ حبیب اللہ خان کنڈی سابق صوبائی وزیر وی رہے نیں۔