اسلام آ باد( پاکستان پوائنٹ نیوز29۔جون2018ء ) اسلام آباد ہائی کورٹ دے جسٹس شوکت عزیز صدیقی نے آکھیا اے کہ چیف جسٹس نوں کوئی حق نہیں کہ کُھلی عدالت وچ ججاں دی توہین کرن، مذاق بنا لیا اے کسے دا مونہ چنگا نہیں لگدا تے اوہدی تضحیک شروع کر دیو، اوہ ساڈی عزت نہیں کرن گے تے سانوں وی اپنے ادارے دے دفاع لئی جواب دین دا حق اے۔ جمعے نوں اک کیس دوران جسٹس شوکت عزیز صدیقی نے چیف جسٹس آف پاکستان جسٹس ثاقب نثار نے بارے ریمارکس دیند ے ہوئے آکھیا کہ چیف جسٹس نوں اپیل کرنا چاہنا واں۔
چیف جسٹس نوں حق اے کہ اوہ ساڈے قانون دے خلاف دتے گئے فیصلیاں نوں کالعدم قرار دین پر چیف جسٹس نوں کوئی حق نہیں کہ اوپن کورٹ وچ ججاں دی تضحیک کرن۔ اوہناں دا کہنا سی کہ مذاق بنا لیا اے کسے دا مونہ چنگا نہیں لگدا تے اوہدی تضحیک شروع کر دیو۔ اوہ ساڈی عزت نہیں کرن گے تے سانوں وی اپنے ادارے دے دفاع لئی جواب دین دا حق اے۔
