اسلام آباد( پاکستان پوائنٹ نیوز27۔جون2018ء ) سپریم کورٹ نے 54ارب رُپئے دے قرضہ معافی کیس دی سنوائی کردے ہوئے قرض لین والے 222بندیاں نوں تن مہینے وچ 75فیصد قرضہ واپس کرن دا حکم دے دتا، چیف جسٹس میاں ثاقب نثار دی سربراہی وچ تن رکنی بنچ نے قرضہ معافی کیس دی سنوائی کیتی۔ سنوائی دوران چیف جسٹس نے پُچھیا کہ کیہ رانا حیات اوہی اے جو الیکشن لڑ رہیا؟وکیل صفائی اکرام چودھری نے جواب وچ آکھیا کہ رانا حیات دا ناں 222بندیاں دی لسٹ وچ نہیں اے۔
چیف جسٹس نے آکھیا کہ جے تُہاڈا ناں 222بندیاں دی لسٹ وچ نہیں اے تے ایس معاملے نوں وی اسیں ویکھ لواں گے۔ جدوں قرضہ لے کے کھادا گیا اوس ویلے خیال نہیں کیتا۔ چیف جسٹس دا کہنا سی کہ سبھ لئی اک ای آرڈر پاس کراں گے۔ جیہنے پیسہ کھادا واپس کرنا پئے گا۔ ایہدے مگروں عدالت نے کیس دی سنوائی ہفتے تیکر ملتوی کر دتی۔
