کرپشن وچ ڈُبے وزیر لئی شاہی قافلا تیار

کراچی( پاکستان پوائنٹ نیوز27۔جون2018ء ) ارباں رُپئے دی کرپشن کیس وچ گرفتارسابق وزیر سندھ شرجیل میمن دی انتخابی مہم لئی الیکشن کمیشن قوانین دی خلاف ورزی کردے ہوئے کارکناں نے30مہنگیاں گڈیاں دا اُچیچا(خصوصی) قافلا تیار کر لیا اے۔ تفصیل مطابق سابق صوبائی وزیر اطلاعات سندھ شرجیل انعام میمن محکمہ اطلاعات وچ 5ارب رُپئے دی کرپشن کیس وچ گرفتاری مگروں جیل وچ نیں۔ پیپلز پارٹی نے اوہناں نوں سندھ اسمبلی لئی پارٹی ٹکٹ جاری کیتا اے۔ پارٹی کارکناں نے رہنما دی انتخابی مہم لئی الیکشن کمیشن قوانین دی خلاف ورزی کردے ہوئے 30توں ودھ مہنگیاں گڈیاں دا قافلا تیار کر لیا اے۔وسیلیاں مطابق گڈیاں 1مہینے لئی کرائے اُتے لِتیاں گئیاں نیں۔