اسلام آباد( پاکستان پوائنٹ نیوز27۔جون2018ء ) مشہور کالم نگار خالد مسعود خان دا اپنے کالم وچ انکشاف کردے ہوئے کہنا سی کہ بنی گالا وچ احتجاج دی لڑائی صرف سکندر بوسن تے احمد حسین ڈیہڑدی نہیں سی بلکہ اوہدیاں جڑاں جہانگیر ترین تے شاہ محمود قریشی تیکر اپڑیاں ہوئیاں سن۔ تفصیل مطابق پاکستان تحریک انصاف وچ ٹکٹاں دی ونڈ خلاف کارکناں نے عمران خان دے بنی گالا والے گھر ساہمنے احتجاج کیتا سی۔
پارٹی کارکناں دا کہنا سی کہ عمران خان نے پارٹی کارکناں توں ودھ الیکٹیبلز نوں اہمیت دتی اے جدکہ پارٹی کارکناں نے پارٹی لئی بہت قربانیاں دتیاں، اوہ مشکل ویلے وچ عمران خان دے نال کھلوتے رہے۔ ایس بارے گل بات کردے ہوئے مشہور پرچا کار و کالم نگار خالد مسعود خان نے اپنے اک کالم ’جاوید ہاشمی کی انتخابی سیاست سے رخصتی‘ وچ لکھیا کہ پی ٹی آئی نے اپنے کارکناں نوں دھرنیاں توں وکھ کُجھ وی نہیں سکھایا۔
نہ تے اوہناں صبر دی سیاست کیتی تے نہ ای کارکناں نوں کر ن دتی۔ بنی گالا دے دھرنے وچ بنیادی اُتے سارے دھرنے بازاں دا تعلق ملتان دے حلقہ این اے 154توں سی۔ احمد حسین ڈیہڑ ملتان توں بساں وچ بھر کے لوکاں نوں لیایا سی۔ بلکہ ایس دوران ہر دوجے دن دھرنے بازاں دی نویں بس اسلام آباد آؤندی رہی۔ ایہ ساری لڑائی صرف سکندر بوسن تے احمد حسین ڈیہڑ دی نہیں سی بلکہ اوہدیاں جڑاں جہانگیر ترین تے شاہ محمود قریشی تیکر اپڑدیاں سن۔ سکندر بوسن نوں ٹکٹ دوان لئی جہانگیر ترین اینڈ کمپنی جدکہ احمد حسین ڈیہڑ نوں ٹکٹ دوان لئی شاہ محمود قریشی زور لا رہے سن۔
