اسلام آباد( پاکستان پوائنٹ نیوز26۔جون2018ء ) تحریک انصاف نے عام انتخابات لئی پشتون تحفظ موومنٹ نال سیٹ ایڈجسٹمنٹ کر لی۔ تفصیل مطابق پاکستان تحریک انصاف تے جھیڑوی(متنازعہ) شہرت حاصل کرن والی پشتون تحفظ موومنٹ وچکار انتخابی اتحاد قائم کرن دیاں خبراں ساہمنے آئیاں نیں۔ ایس حوالے نال ہن ترجمان تحریک انصاف فواد چودھری ولوں وضاحتی بیان جاری کیتا گیا اے۔
تحریک انصاف دے ترجمان فواد چودھری ولوں دسیا گیا اے کہ تحریک انصاف نے پشتون تحفظ موومنٹ سنے ہور کسے سیاسی اتحادی جماعت نال کسے قسم دا کوئی انتخابی اتحاد قائم نہیں کیتا ۔ تحریک انصاف دے اک رہنما نے فاٹا دی اک سیٹ لئی پشتون تحفظ موومنٹ نال سیٹ ایڈجسٹمنٹ کیتی۔ ایس سیٹ ایڈجسٹمنٹ نوں انتخابی اتحاد دا ناں نہیں دتا جا سکدا۔
