لاہور( پاکستان پوائنٹ نیوز26۔جون2018ء ) انٹرنیشنل میڈیا دی رپورٹ وچ بلین ٹری سونامی منصوبے نوں پاکستان لئی چنگا قرار دے دتا گیا۔ تفصیل مطابق پاکستان وچ سابق خیبرپختونخوا حکومت ولوں شروع کیتا جان والا بلین ٹری سونامی منصوبہ پاکستان تحریک انصاف دے ناقداں دی زبان اُتے ہوندا اے۔ ناقد ایس منصوبے نوں صرف جھوٹھ قرار دیندے نیں۔ پر انٹرنیشنل میڈیا وی بلین ٹری منصوبے دی تعریف کرن اُتے مجبور ہو گیا اے۔
ایس منصوبے نوں پاکستان لئی ’سبز ہونا‘ قرار دتا گیا۔ انٹرنیشنل میڈیا دی رپورٹ وچ لکھیا گیا اے کہ تبدیلی واقعی مشکل اے۔ ہیرو شاہ دے علاقے وچ ہرے جنگلات نے پہاڑاں نوں گھیر لیا اے۔ شمالی مغربی پاکستان وچ ممکنہ تباہی نال لڑن لئی سینکڑیاں دے حساب نال رُکھ لائے گئے نیں۔2015تے 2016وچ 16000مزدوراں نے ہیرو شاہ وچ باقاعدگی نال 900000بُوٹے لائے۔ تے ایہ کم خیبرپختونخوا دے صوبے بھر وچ کوششاں دا صرف اک حصہ اے۔
