مری( پاکستان پوائنٹ نیوز23۔جون2018ء ) پنجاب فوڈ اتھارٹی دی ٹیم اُتے مری وچ حملا کیتا گیا اے۔ترجمان فوڈ اتھارٹی دے مطابق ڈی جی فوڈ اتھارٹی نورالامین مینگل دی سربراہی وچ چیکنگ کرن والی ٹیم اُتے چھری نال حملا کیتا گیا۔ نور الامین مینگل مال روڈ اُتے فوڈ پوائنٹس چیک کر رہے سن۔ حملا اوس ویلے ہویا جدوں ڈی جی فوڈ اتھارٹی سابق وزیر دے ہوٹل نوں چیک کر رہے سن۔
راجا اشفاق سرور دے ہوٹل نوں گندا ہون دی وجہ توں سیل کیتا جانا سی کہ ٹیم اُتے حملا کر دتا گیا۔ ڈی جی فوڈ اتھارٹی سنے ساری ٹیم نوں ہوٹل اندر ای یرغمال بنا لیا گیا اے۔ یرغمال بنان مگروں فوڈ اتھارٹی دی ٹیم نال ہتھوں پائی وی کیتی گئی اے ۔ ڈی جی فوڈ اتھارٹی نے انتظامیہ نال رابطہ کر لیا اے۔ رابطہ مری دی مقامی انتظامیہ نال کیتا گیا تاں جے اوہ فوڈ اتھارٹی دی ٹیم نوں رہا کروا سکے۔
