لاہور( پاکستان پوائنٹ نیوز23۔جون2018ء ) پاکستان مسلم لیگ (ن) دے مرکزی رہنما سردار ایاز صادق نے آکھیا اے کہ میرا انتخابی مقابلا عمران خان نال ہوئے یاں علیم خان نال ،ہرا دیواں گا، لاہور مسلم لیگ (ن) دا قلعہ سی تے ہمیشہ رہوے گا، این اے 129وچ منظم انتخابی مہم چلا رہیا واں۔ اوہناں نے اج میڈیا نال گل بات کردے ہوئے آکھیا کہ پہلے وی این اے 129توں امیدوار سی تے ہن وی ایسے حلقے توں امیدوار آں۔
میرے مقابلے وچ عمران خان ہوئے یاں علیم خان ہرا دیواں گا۔ اوہناں نے آکھیا کہ میں این اے 129وچ منظم انتخابی مہم چلا رہیا واں۔ اوہناں دا کہنا سی کہ لاہور مسلم لیگ (ن) دا قلعہ سی تے ہمیشہ رہوے گا۔ این اے 129وچ منظم انتخابی مہم چلا رہیا واں۔چیتے رہوے کہ الیکشن 2013وچ سردار ایاز صادق نے پی ٹی آئی چیئرمین عمران خان نوں ہرا دتا سی۔ الیکشن دے بعد پی ٹی آئی نے حلقے وچ دھاندلی دا الزام لایا، جیہدے اُتے حلقے وچ فیر الیکشن دا حکم دتا گیا۔ بعدوں عمران خان دی تھاں علیم خان نے سردار ایاز صادق خلاف ضمنی الیکشن لڑیا، پر ضمنی الیکشن وچ وی اک وار فیر پی ٹی آئی نوں ہار دا ساہمنا کرنا پیا سی۔
