لاہور( پاکستان پوائنٹ نیوز23۔جون2018ء ) پاکستان عوامی تحریک دے سربراہ ڈاکٹر طاہر القادری اپنے اتحادی عمران خان خلاف بول پئے۔ جے الیکٹیبلز ضرورت سی تے فیر دھرنے کیوں دتے؟ہن چور تے ڈاکو فیر پارلیمنٹ دا حصہ بن جان گے، الیکشن وچ حصہ لینا ساڈیاں کوششاں دی موت اے۔ اوہناں نے اج پریس کانفرنس کردے ہوئے آکھیاکہ جے الیکٹیبلز ضرورت سی تے فیر دھرنے کیوں دتے؟ہن چور تے ڈاکو فیر پارلیمنٹ دا حصہ بن جان گے، الیکشن وچ حصہ لینا ساڈیاں کوششاں دی موت اے۔
بند کمرے وچ سیاسی جماعتاں نے ترمیم نوں سپورٹ کیتا۔ اوہناں نے آکھیا کہ ایہ نظام دھاندلی زدہ تے ظلم زدم اے ۔ایہ نظام کرپٹ نوں تحفظ دیندا اے جدکہ پی اے ٹی والے کچلن والے نظام دا حصہ نہ سن نہ ہن تے رہن گے۔ اوہناں نے آکھیا کہ الیکشن وچ حصہ لینا ساڈیاں کوششاں دی موت اے۔ ساڈیاں کوششاں جاری رہن گیاں۔ اوہناں دا کہنا سی کہ ٹکٹ جاری نہیں کراں گے،امیدواراں دے کاغذات واپس لے لواں گے۔ اسیں جمہوریت دی شفافیت لئی کوششاں کیتیاں۔ ماڈل ٹاؤن دُکھانت دا سانوں اج تیکر انصاف نہیں ملیا۔اوہناں نے آکھیاکہ اصولاں دی جنگ جاری رکھاں گے، آرٹیکل 63,62دا قتلام ہویا۔ ڈاکٹر طاہر القادری دا کہنا سی کہ جرائم پیشہ بندے فیر اسمبلیاں دیاں سیٹاں اُتے بیٹھے نظر آ رہے نیں۔
