کراچی( پاکستان پوائنٹ نیوز22۔جون2018ء ) خفیہ ہتھ پیپلز پارٹی امیدواراں اُتے تحریک انصاف وچ رلت (شرکت) لئی دباء پان لگے، قیادت پریشان ہو گئی۔ سابق اپوزیشن لیڈر خورشید شاہ نے سابق صدر آصف علی زرداری نوں خط لکھ دتا اے،خط مطابق پیپلز پارٹی دے امیدواراں اُتے تحریک انصاف وچ رلت لئی دباء پایا جا رہیا اے۔ تفصیل مطابق الیکشن دا دن ہولی ہولی نیڑے آؤندا جا رہیا اے۔
سیاسی جماعتاں نے الیکشن دیاں تیاریاں شروع کیتیاں ہوئیاں نیں۔ ٹکٹاں دی ونڈ دے معاملات وی جاری نیں۔ دوجے پاسے تحریک انصا ف تے مسلم لیگ (ن) سنے کئی جماعتاں وچ ٹکٹ دی ونڈ اُتے جھیڑا(تنازعہ) شروع ہو گیا اے۔پر ایہدے نال نال سیاسی وفاداریاں بدلن دا کم وی جاری اے۔ ایس حوالے نال تحریک انصاف بہت قسمت دی دھنی ثابت ہوئی اے،جیہدے وچ پچھلے اک سال دوران مسلم لیگ (ن) تے پاکستان پیپلز پارٹی دے کئی رہنما رلتی ہوئے۔
ایس حوالے نال انکشاف ہویا اے کہ خفیہ ہتھ ولوں پیپلز پارٹی امیدواراں اُتے تحریک انصاف وچ رلت لئی دباء پایا جا رہیا اے، جیہدی وجہ توں پیپلز پارٹی دی قیادت ڈاڈھی پریشان اے۔ سابق اپوزیشن لیڈر خورشید شاہ نے سابق صدر آصف علی زرداری نوں ایس حوالے نال خط لکھ دتا اے۔ خط مطابق پیپلز پارٹی دے امیدواراں اُتے تحریک انصاف وچ رلتی ہون لئی دباء پایا جا رہیا اے۔جمعرات نوں نوڈیرو وچ ہون والے اجلاس وچ وی خورشید شاہ تے پیپلز پارٹی اُتے خفیہ ہتھ دے دباء دا ذکر کیتا۔ سابق وزیر اعظم یوسف رضا گیلانی نے وی اپنے خدشیاں دا اظہار کیتا۔پر پارٹی چیئرمین بلاول بھٹو دا کہنا سی کہ جیالے کسے وی قسم دا دباء قبول نہ کرن تے جم کے الیکشن لڑن۔
