شاہین ائر لائن دا مرکزی دفتر سیل کر دتا گیا

اسلام آباد( پاکستان پوائنٹ نیوز21۔جون2018ء ) شاہین ائر لائن دا مرکزی دفتر سیل کر دتا گیا۔ 95کروڑ رُپئے توں ودھ دی بقایا رقم نہ دین دی وجہ توں شاہین ائر لائن دا مرکزی دفتر سیل کر دتا گیا۔ تفصیل مطابق شاہین ائر لائن تے ایف بی آر وچ معاملات طے نہ ہو سکے۔ شاہین ائر لائن، ایف بی آر دی نادہندڑ سی۔ نجی ائر لائن دے ذمے 95کرو ڑرُپئے سن جیہنوں شاہین ائر لائن نہ دے سکی۔

ایس سلسلے وچ ایف بی آر تے شاہین ائر لائن وچکار مذاکرات ہو رہے سن۔ کُجھ دیر پہلاں میڈیا نال گل بات کردے ہوئے نجی ائر لائن دے ترجمان دا کہنا سی کہ شاہین ائر تے ایف بی آر وچکار مذاکرات جاری نیں۔ شاہین ائر ایف بی آر نال رابطے وچ اے۔ پر تازہ اطلاع مطابق شاہین ائر لائن تے ایف بی آر وچکار معاملات طے نہیں ہوسکے۔ ایف بی آر تے شاہین ائر لائن دے مذاکرات ناکام ہو گئے نیں۔ شاہین ائر لائن نے فیڈرل ایکسائز ڈیوٹی دی مد وچ 95کروڑ رُپئے توں ودھ پیسے دینے سن،جیہدی وجہ توں اوہدا مرکزی دفتر سیل کر دتا گیا۔