اسلام آباد( پاکستان پوائنٹ نیوز21۔جون2018ء ) 2018الیکشن دا سال اے۔ ملکی اداریاں نے الیکشن دی تیاری شروع کیتی ہوئی اے جدکہ الیکشن کمیشن وچ کاغذات نامزدگی جمع کروان دا سلسلا پورا ہو گیا اے، جیہدے مگروں کاغذاں دی پُن چھان کیتی جا رہی اے۔ ہر امیدوار دانوں کاغذات نامزدگی نال اپنا بیان حلفی وی جمع کروان دا آکھیا گیا ۔ہن سابق وزیر اعلا پنجاب میاں شہباز شریف دے اثاثیاں دیاں تفصیلاں ساہمنے آ گئیاں نیں، سابق وزیر اعلا پنجاب شہباز شریف نے کاغذات نامزدگی وچ اپنے اثاثیاں دی مالیت 15کروڑ رُپئے ظاہر کیتی جدکہ بینک اکاؤنٹس وچ مجموعی طور اُتے اک کروڑ 14لکھ رُپئے ظاہر کیتے نیں۔
جمع کروائے گئے کاغذات نامزدگی دے مطابق شہباز شریف نے مری ہال روڈ اُتے اک کنال 9مرلے دے بنگلے دی قیمت 34ہزار رُپئے ظاہر کیتی۔ جدکہ ایس مقام اُتے اک بنگلا نمبر 54سی دی قیمت 27ہزار رُپئے ظاہر کیتی اے۔ سابق وزیر اعلا پنجاب نے شیخوپورا وچ 88کنال زمین والدہ ولوں تحفہ ظاہر کیتی اے جدکہ لاہور وچ 568کنال اُتے وکھ وکھ جائیداداں والدہ ولوں تحفہ ظاہر کیتیاں نیں۔
ایس توں وکھ (ن) لیگی رہنما شہباز شریف نے لندن وچ تن وکھ وکھ جائیداداں دی مجموعی قیمت 12کروڑ 61لکھ رُپئے ظاہر کیتی اے۔ دیبیہ انجنیئرنگ ملز، حمزہ سپننگ ملزم تے حدیبیہ ملز وچ شیئرز وی ظاہر کیتے۔ چیتے رہوے کہ ایس توں پہلاں وی کئی سیاسی رہنماواں دے اثاثیاں دیاں تفصیلاں ساہمنے آئیاں نیں۔2018دے الیکشن لئی جمع کروائے گئے کاغذات نامزدگی مطابق سابق وزیر اعظم نواز شریف دی مریم نواز وی کروڑاں دی مالک اے۔
