اصغر خان کیس: نواز شریف نے پیسے لین دے الزام نوں رد کر دتا

میں کدی وی الیکشن 1990دی انتخابی مہم لئی پیسے نہیں لئے، آئی ایس آئی دے سابق چیف توں پیسے لین دے الزام وچ کوئی سچائی نہیں اے۔ ایف آئی اے کمیٹی نوں 14اکتوبر 2015نوں اپنا بیان ریکارڈ کروا چکیا واں:سپریم کورٹ وچ جواب

اصغر خان کیس: نواز شریف نے پیسے لین دے الزام نوں رد کر دتا
میں کدی وی الیکشن 1990دی انتخابی مہم لئی پیسے نہیں لئے، آئی ایس آئی دے سابق چیف توں پیسے لین دے الزام وچ کوئی سچائی نہیں اے۔ ایف آئی اے کمیٹی نوں 14اکتوبر 2015نوں اپنا بیان ریکارڈ کروا چکیا واں:سپریم کورٹ وچ جواب

اسلام آباد( پاکستان پوائنٹ نیوز09۔جون2018ء ) پاکستان مسلم لیگ (ن) دے قائد و سابق وزیر اعظم نواز شریف نے اصغر خان کیس وچ پیسے لین دے الزام نوں رد کر دتا۔اوہناں نے سپریم کورٹ وچ اپنے جواب وچ آکھیاکہ میں کدی وی الیکشن 1990دی انتخابی مہم لئی پیسے نہیں لئے، یونس حبیب یاں اوہناں دی ہدایت اُتے کدی 35یاں 25لکھ رُپئے دی رقم مینوں نہیں دتی گئی، آئی ایس آئی دے سابق چیف توں پیسے لین دے الزام وچ کوئی سچائی نہیں اے۔

ایف آئی اے کمیٹی نوں 14اکتوبر 2015نوں اپنا بیان ریکارڈ کروا چکیا واں۔ میڈیا رپورٹس مطابق سابق وزیر اعظم نواز شریف نے اصغر خان کیس وچ سپریم کورٹ وچ اپنا جواب جمع کروا دتا اے۔ نواز شریف ولوں سپریم کورٹ وچ چار صفحیاں دا جواب جمع کروایا گیا۔ نواز شریف نے موقف پیش کیتا کہ میں کدی وی الیکشن مہم 1990لئی سابق ڈی جی آئی ایس آئی اسد درانی توں پیسے نہیں لئے۔

ایس طرحاں میری ہدایت اُتے کسے نمائندے نے وی الیکشن 1990دے فنڈز دے ناں اُتے پیسے نہیں لئے۔ اوہناں دا اپنے جواب وچ کہنا اے کہ یونس حبیب یاں اوہناں دی ہدایت اُتے کدی 35یاں 25لکھ رُپئے دی رقم مینوں نہیں دتی گئی۔ آئی ایس آئی دے سابق چیف توں پیسے لین دے الزام وچ کوئی سچائی نہیں اے۔ ایف آئی اے کمیٹی نوں 14اکتوبر 2015نوں اپنا بیکارڈ کروا چکیا واں۔

دوجے پاسے امیر جماعت اسلامی سراج الحق نے وی 1990دے الیکشن وچ پیسے لین دے الزام نوں رد کر دتا اے۔ اوہناں دا کہنا سی کہ جماعت اسلامی رضا کارانہ طور اُتے 2007وچ کارروائی دا حصہ بنی۔ بطور امیر جماعت اسلامی ہر تحقیقاتی فورم ساہمنے پیش ہون لئی تیار آں۔ چیتے رہوے کہ سپریم کورٹ دے چیف جسٹس ثاقب نثار دی سربراہی وچ قائم بنچ اصغر خان کیس دی سنوائی کر رہیا اے۔